ରେଳ ପ୍ରକଳ୍ପକୁ ନେଇ ବିଜେଡିରେ ଫାଟ,ଏକ୍ସ ରେ ଦୁଇ ସାଂସଦ ଙ୍କ ଭିନ୍ନ ଭିନ୍ନ ମତ।
ଇନସାଇଡ ଓଡିଶା ବ୍ୟୁରୋ:ରେଳ ପ୍ରକଳ୍ପକୁ ନେଇ ବିଜେଡିରେ ଫାଟ। ସାଂସଦ ସୁଜିତ୍ କୁମାର ଏଥିପାଇଁ କେନ୍ଦ୍ର ସରକାର ଓ ରେଳମନ୍ତ୍ରୀ ଅଶ୍ବିନୀ ବୈଷ୍ଣବଙ୍କୁ ଧନ୍ୟବାଦ ଦେଇଥିବା ବେଳେ ଅନ୍ୟଜଣେ ସାଂସଦ ମାନସ ମଙ୍ଗରାଜ କିନ୍ତୁ ପ୍ରକଳ୍ପ ସବୁକୁ ପୁରୁଣା କହି ସମାଲୋଚନା କରିଛନ୍ତି।
ସାଂସଦ ସୁଜିତ୍ କୁମାର ଲେଖିଥିବା ପୋଷ୍ଟ ଟି ହଉଛି “ନୂତନ ଜୁନଗଡ-ନବରଙ୍ଗପୁର ରେଳ ଲାଇନ ଏବଂ ଓଡିଶାର ଅନ୍ୟ ପାଞ୍ଚଟି ପ୍ରକଳ୍ପକୁ ଅନୁମୋଦନ କରିଥିବାରୁ କେନ୍ଦ୍ର କ୍ୟାବିନେଟ ତଥା ମାନ୍ୟବର କେନ୍ଦ୍ର ରେଳ ମନ୍ତ୍ରୀ ଅଶ୍ୱିନୀ ବୌ ଷ୍ଣବ ଜୀଙ୍କୁ ଅଶେଷ ଧନ୍ୟବାଦ।
ମୁଁ ବିଭିନ୍ନ ଫୋରମ୍ ଗୁଡିକରେ 2021 ପରଠାରୁ କ୍ରମାଗତ ଭାବରେ ଓକିଲାତି କରିଆସୁଛି | କାଲାହାଣ୍ଡି, ନବରଙ୍ଗପୁର ଏବଂ ସମଗ୍ର ଅଞ୍ଚଳର ଲୋକଙ୍କ ସୁବିଧା ପାଇଁ ଏହି ପ୍ରକଳ୍ପ ଶୀଘ୍ର ସମାପ୍ତ ହେବ ବୋଲି ଆଶା କରୁଛି |”
ଅନ୍ୟଜଣେ ସାଂସଦ ମାନସ ମଙ୍ଗରାଜ କରିଥିବା ପୋଷ୍ଟ ଟିକୁ ଦେଖନ୍ତୁ “ଗତ 8 ବର୍ଷ ମଧ୍ୟରେ ଓଡିଶା ପାଇଁ କ new ଣସି ନୂତନ ରେଳ ପ୍ରକଳ୍ପ ମଞ୍ଜୁର ହୋଇନାହିଁ। ତଥାପି, ଗୋଟିଏ ପୁରୁଣା ପ୍ରକଳ୍ପ ଘୋଷଣା କରାଯାଇଛି |
7 ବର୍ଷ ପୂର୍ବେ ଗୁନୁପୁର-ଥରୁବାଲି ରେଳ ପ୍ରକଳ୍ପ ପାଇଁ ପାଣ୍ଠି ମଞ୍ଜୁର କରାଯାଇଥିଲା। ଏଥିପାଇଁ ଶ୍ରୀ ନବୀନ ପଟ୍ଟନାୟକ ଙ୍କ ନେତୃତ୍ୱରେ ବିଜେଡି ସରକାର ଜମି ପ୍ରଦାନ କରିସାରିଛନ୍ତି।
ଓଡିଶାକୁ କେତେ ଟଙ୍କା ଦିଆଯାଉଛି ସେନେଇ ବିଭିନ୍ନ ମନ୍ତ୍ରୀ ଭିନ୍ନ ଭିନ୍ନ ସଂସ୍କରଣ ଦେଉଛନ୍ତି।
ବରଗଡ-ନୁଆପଡା ରେଳ ପ୍ରକଳ୍ପରେ ଓଡିଶା ବିଜେପି ନେତାମାନେ କାହିଁକି ଚୁପ୍ ଅଛନ୍ତି? ଅନେକ ଜିଲ୍ଲାରେ ଏପର୍ଯ୍ୟନ୍ତ ରେଳ ସଂଯୋଗ ନାହିଁ | କେନ୍ଦ୍ରୀୟ ସରକାର ଓଡିଶାରୁ ନିଆଯାଇଥିବା ରାଜସ୍ୱର ଅଧା ମଧ୍ୟ ଫେରସ୍ତ କରିନାହାଁନ୍ତି।
ଡବଲ୍ ଇଞ୍ଜିନ ସରକାର ଓଡିଶା ନ୍ୟାୟ ଏବଂ ଉନ୍ନତ ଚିକିତ୍ସା ପାଇଁ ଦାବି କରିଛି।”
ସେପଟେ ପୂର୍ବତନ ବିଧାୟକ ସମ୍ବିତ ରାଉତରାୟ ମିଡିଆ କୁ ପ୍ରତିକ୍ରିୟା ରେ କହିଛନ୍ତି ସାଂସଦ ସୁଜିତ୍ ଙ୍କର ଏହା ବ୍ୟକ୍ତିଗତ ମତ ତା ବୋଲି ନୁହଁ ସେ ବିଜେପି ଆଡେ ଢଳୁଛନ୍ତି।
