ଆଇନ ପାଠ୍ୟକ୍ରମ ରେ ନାମଲେଖା ପାଇଁ ସ୍ୱଚ୍ଛତା ରହୁ – ଚିନ୍ମୟ ହୋତା ।
ବ୍ରହ୍ମପୁର :ଉଚ୍ଚ ଶିକ୍ଷା ବିଭାଗ ତରଫରୁ ପ୍ରଥମ ଥର ପାଇଁ ସ୍ନାତକ ଆଇନ ପାଠ୍ୟକ୍ରମ ରେ ନାମ ଲେଖା ପାଇଁ SAMS କୁ ହସ୍ତାନ୍ତର କରାଯାଇ ନାମଲେଖା ପାଇଁ ବିଜ୍ଞପ୍ତି ପ୍ରକାଶ କରାଯାଇଥିଲା । ଆଶାୟୀ ଛାତ୍ର ଛାତ୍ରୀ ମାନେ ଓଡ଼ିଶା ରେ ଥିବା ମାତ୍ର ତିନିଗୋଟି ସରକାରୀ ଶିକ୍ଷନୁଷ୍ଠାନ ମଧ୍ୟରୁ ଦୁଇଟି ବିଶ୍ଵବିଦ୍ୟାଳୟ ତଥା ମଧୁସୂଦନ ଆଇନ ବିଶ୍ୱବିଦ୍ୟାଳୟ ର 120 ସିଟ୍ ଓ ଉତ୍କଳ ବିଶ୍ୱବଦ୍ୟାଳୟ ମଧ୍ୟରେ ଥିବା ଆଇନ ବିଭାଗର 60 ସିଟ୍ ଏବଂ ଦକ୍ଷିଣ ଓଡ଼ିଶାର ଏକ ମାତ୍ର ଆଇନ ମହାବିଦ୍ୟାଳୟ ଲିଙ୍ଗରାଜ ଆଇନ ମହାବିଦ୍ୟାଳୟ ର 180 ସିଟ୍ ରେ ନାମଲେଖା ପାଇଁ ବିଜ୍ଞପ୍ତି ବାହାର କରାଗଲା । କିନ୍ତୁ ଯେଉଁ ମାଧ୍ୟମରେ ଛାତ୍ର ଛାତ୍ରୀ ଙ୍କୁ ନାମଲେଖା ପାଇଁ ଚୟନ କରାଗଲା ତାହା ସଂପୂର୍ଣ୍ଣ ଭାବରେ ଛାତ୍ର ଛାତ୍ରୀ ଙ୍କ ସହ ସମସ୍ତଙ୍କୁ ଅନ୍ଧାରରେ ରଖି ନାମଲେଖା ଗଲା ।SAMS ପକ୍ଷରୁ କୁହାଗଲା ଯେ ମାଟ୍ରିକ ମାର୍କ ରୁ 20%, ଯୁକ୍ତ ଦୁଇ ରୁ ୩୦ % ଏବଂ ସ୍ନାତକ ଡିଗ୍ରୀ ରୁ ୫୦% ମାର୍କ କୁ ନେଇ ଏକ ମ୍ୟାରିଟ ଲିଷ୍ଟ ବାହାର କରାଯିବ ,କିନ୍ତୁ କିଏ କେତେ ମାର୍କ ପାଇଲେ ଏ ଯାଏଁ ନାମ ଲେଖା କରିଥିବା ଏବଂ କରିନଥିବା ଛାତ୍ର ଛାତ୍ରୀ ଜାଣିପାରିଲେ ନାହିଁ । ନାମ ଲେଖା ସାରିବା ପରେ ଗତ ୯ ଓ ୧୦ ତାରିଖ ରେ ଯେଉଁମାନେ ରିପୋର୍ଟ୍ କରିବେ ସେମାନଙ୍କର ଏକ ମ୍ୟାରିଟ୍ ବାହାର କରାଯାଇ ନାମ ଲେଖାଇବା କଥା କୁହାଗଲା , SAMS ପୋର୍ଟାଲ୍ ରୁ ବର୍ତମାନ କିଏ କେତେ ନଂ ରେଙ୍କ ରେ ଅଛି ଏକ ନଂ ଦେଖାଗଲା । କିନ୍ତୁ ଏ ସବୁ କେମିତି ହେଲା କୋଉ ପ୍ରଣାଳୀ ରେ ହେଲା କେହି ବି ସଠିକ୍ ତଥ୍ୟ ଦେଇପରୁନାହାନ୍ତି । ଏଇଥିରୁ ଜଣାଯାଇଛି ଜେଉଁଭଳି ଭାବରେ ଛାତ୍ର ଛାତ୍ରୀ ଙ୍କୁ ଅନ୍ଧାରରେ ରଖି ନାମ ଲେଖିବାକୁ କୁହ ଯାଉଛି, ସମ୍ପୂର୍ଣ୍ଣ ରୂପେ ସନ୍ଧେହ ମଧ୍ୟରେ ରହିଛି ଏବଂ ଆଶଙ୍କା କରାଯାଉଛି ସମ୍ପୂର୍ଣ୍ଣ ଭାବରେ ନାମଲେଖା ରେ ଅନିମମୀୟତା କରାଯାଉଛି ।
ଏଣୁ ଉଚ୍ଚ ଶିକ୍ଷା ବିଭାଗ ଏହାର ତଦନ୍ତ କରି ଛାତ୍ର ଛାତ୍ରୀ ଙ୍କୁ ନେମାଲେଖାକୁ ନେଇ ଥିବା ଦ୍ଵନ୍ଦ ଦୂର କରନ୍ତୁ ବୋଲି ଆଇନଜୀବୀ ତଥା ଜିଲ୍ଲା ଯୁବ ରାଷ୍ଟ୍ରୀୟ ମଜଦୂର କଂଗ୍ରେସ ସଭାପତି ଚିନ୍ମୟ କୁମାର ହୋତା ଦାବୀ କରିଛନ୍ତି।
