ପୋଷ୍ଟପୋନ୍ ହେଲା ଫିଲ୍ମ ‘Emergency’ର ରିଲିଜ୍ ଡେଟ୍
ବଲିଉଡ ଅଭିନେତ୍ରୀ କଙ୍ଗନା ରଣାୱତ । ତାଙ୍କ ଅପକମିଂ ଫିଲ୍ମ ‘ଏମର୍ଜେନ୍ସି’। ବର୍ତ୍ତମାନ ସେ ଫିଲ୍ମର ପ୍ରମୋସନରେ ବ୍ୟସ୍ତ ଅଛନ୍ତି। ଗତ ଏକ ସପ୍ତାହ ହେବ ଚର୍ଚ୍ଚାରେ ରହିଛନ୍ତି। ଏହି ଅଭିନେତ୍ରୀ ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଭୂମିକାରେ ଅଭିନୟ କରିଛନ୍ତି। ଶିଖ ସମ୍ପ୍ରଦାୟ ଅଭିନେତ୍ରୀଙ୍କ ଫିଲ୍ମ ବିରୋଧରେ କ୍ରମାଗତ ଭାବରେ ବିରୋଧ କରୁଛନ୍ତି।
ଶିଖ ସମ୍ପ୍ରଦାୟ କହିଛନ୍ତି ଯେ ଏହି ଚଳଚ୍ଚିତ୍ରରେ ଶିଖମାନଙ୍କୁ ଆତଙ୍କବାଦୀ ତଥା ଜାତୀୟ ବିରୋଧୀ ପ୍ରଦର୍ଶନ କରାଯାଇଛି। ତଥ୍ୟରେ ସଠିକ୍ ଭାବରେ ଦର୍ଶାଯାଇ ନାହିଁ । ଶିଖ ସମ୍ପ୍ରଦାୟର ଲୋକମାନେ ଏହି ଫିଲ୍ମକୁ ବୟକଟ୍ କରିବାକୁ ଦାବି କରୁଛନ୍ତି। ଏଭଳି ପରିସ୍ଥିତିରେ ନିର୍ମାତାମାନେ ଫିଲ୍ମର ରିଲିଜ୍ ତାରିଖ ସ୍ଥଗିତ ରଖିବାକୁ ନିଷ୍ପତ୍ତି ନେଇଛନ୍ତି।
କଙ୍ଗନାଙ୍କ ଫିଲ୍ମ ଆଉ ସେପ୍ଟେମ୍ବର ୬ ରେ ମୁକ୍ତିଲାଭ କରିବ ନାହିଁ। ଫିଲ୍ମକୁ ନେଇ ବିରୋଧ ପ୍ରଦର୍ଶନ ହେତୁ ନିର୍ମାତାମାନେ ଏପରି ନିଷ୍ପତ୍ତି ନେଇଛନ୍ତି। ରିପୋର୍ଟରେ କୁହାଯାଇଛି ଯେ ଯେ ଗୁରୁନ୍ଦର ସିଂ ଏବଂ ଜଗମୋହନ ସିଂ ପଞ୍ଜାବ ଏବଂ ହରିୟାଣାର ହାଇକୋର୍ଟରେ ଆବେଦନ କରିଛନ୍ତି। ସେମାନଙ୍କ ଆବେଦନରେ ମୋହାଲିର ଏହି ଲୋକମାନେ କେନ୍ଦ୍ରୀୟ ଚଳଚ୍ଚିତ୍ର ସାର୍ଟିଫିକେଟ୍ ବୋର୍ଡରୁ ଏମର୍ଜେନ୍ସି ସେନ୍ସର ପ୍ରମାଣପତ୍ର ବାତିଲ କରିବାକୁ ଦାବି କରିଥିଲେ। ସେ କହିଥିଲେ ଯେ ଫିଲ୍ମ ରିଲିଜ ହେବା ପୂର୍ବରୁ ଏହାକୁ ବିଶିଷ୍ଟ ଶିଖ ବ୍ୟକ୍ତିତ୍ୱଙ୍କୁ ଦେଖାଇବା ଉଚିତ । ଯାହା ଦ୍ଵାରା ସେମାନେ ଏହାର ସମୀକ୍ଷା କରିପାରିବେ।
ସିବିଏଫସି ଫିଲ୍ମରେ କିଛି କଟକଣା ଲଗାଇବାକୁ କହିଛି । ପ୍ରମାଣପତ୍ର ଉପରେ ବିଚାର ଚାଲିଛି। ରିପୋର୍ଟ ଅନୁଯାୟୀ, ଭାରତର ଅତିରିକ୍ତ ସଲିସିଟର ଜେନେରାଲ୍ ସତ୍ୟପାଲ ଜେନା କୋର୍ଟଙ୍କୁ କହିଛନ୍ତି ଯେ ଏପର୍ଯ୍ୟନ୍ତ ପ୍ରମାଣପତ୍ର ଦିଆଯାଇ ନାହିଁ। ଫିଲ୍ମଟି କେବଳ ନିୟମ ଅନୁଯାୟୀ ସାର୍ଟିଫିକେଟ୍ ପାଇବ । ଯଦି କାହାର କୌଣସି ପ୍ରକାରର ଅଭିଯୋଗ ଅଛି ତେବେ ସେ ଏହାକୁ ବୋର୍ଡକୁ ପଠାଇ ପାରିବେ । ନିର୍ମାତାମାନେ କେବେ ଫିଲ୍ମ ରିଲିଜ କରିବେ? ଏପର୍ଯ୍ୟନ୍ତ ଏ ବିଷୟରେ କୌଣସି ସୂଚନା ନାହିଁ।
